“HVAT ER TÍN BESTA VÓN FYRI HESA SAMRØÐUNA?”

At taka støði í bjartskygni og treysti er útgangsstøðið í arbeiðsháttinum, “Samarbejde om sikkerhed”. Í hesum døgum eru starvsfólk úr barnaverndartænastunum kring landið á skeiði, sum Barnaverndarstovan skipar fyri. Ein partur tók tó lut við Teams vegna sóttarhald.

Ein onnur týðandi áskoðan í arbeiðsháttinum er, at familjur og teirra netverk eru væl skikkað at taka avgerðir um, hvat er best fyri barnið, um mann leggja dent á teirra serstøku styrkir og taka tey uppí eina problemloysandi tilgongd. Skeiðið verður hildið av Charlotte Thykier, familjuterapeuti o.a., og Michael Petersen, sosiologi og Mastara í børnum og ungum í útsettum støðum. Bæði eru tey frá Sikkerhedskonsulenterne í Danmark.