Barnaverndarstovan

Barnaverndarstovan er felagskommunalur stovnur. Fremstu uppgávurnar hjá Barnaverndarstovuni eru at umsita Fosturforeldraskipanina og Barnahúsið, umframt at veita barnaverndartænastunum kring landið holla vegleiðing og ráðgeving.

Les meira

Gerst fosturforeldur

Barnahúsið

Stúrir tú um eitt barn?

Hagtøl

Vansorgan og ágangur

Regluverkið

Ert tú barn ella tannáringur?

Hvat ger barnaverndin?

Børn og ung undir 18 ár hava krav upp á umsorgan og rætt til tryggan uppvøkstur. Hesum hava foreldrini ábyrgd av. Tá foreldrini ikki kunnu taka hesa ábyrgd, skal barnaverndartænastan hjálpa. Barnaverdartænastan skal gera tað, sum er tað besta fyri barnið. Tað hevur størstan týdning.

Hvat hendir, um tú ringir ella skrivar til barnaverndina?

Barnaverndin er til fyri at hjálpa børnum og ungum, sum ikki hava tað gott heima. Tey skulu royna at finna útav, hvussu tey best kunnu hjálpa tær og tínari familju.

Um tú hevur tað ringt heima, er tað umráðandi, at tú tosar við onkran og fært hjálp.

Allar kommunur hava eina barnaverndartænastu, sum tú kanst ringja til. Um tú ivast, hvørja tú skalt ringja ella skriva t-post til, kanst tú bara velja eina at ringja ella skriva til. So siga tey tær, hvønn tú skalt venda tær til.

Hvat ger barnaverndin, tá onkur boðar frá um eitt barn?

Tá barnaverndartænastan fær upplýsingar um, at eitt barn ikki hevur tað gott í heiminum, skulu tey gera av, um kanningar skulu gerast. Hetta skal gerast innan sjey dagar.

Barnaverndin tosar við tíni foreldur og onnur vaksin

Barnaverndin hevur vanliga tríggjar mánaðir at kanna eitt mál. Hesa tíðina tosa tey við teg, tíni foreldur og onnur vaksin rundan um teg, til dømis onkran lærara.

Hetta ger barnaverndartænastan fyri at hoyra meira um, hvussu tú hevur tað, og hvussu tíni foreldur hava tað og fyri at finna útav, hvussu tey best kunnu hjálpa. Vanliga koma tey eisini at vitja teg heima fyri at síggja, hvussu tú hevur tað heima.

Minst til, at tú kanst tosa við barnaverndina, uttan at tíni foreldur vita tað.

Tú kanst fáa hjálp heima

Mong halda, at barnaverndin altíð tekur børnini frá foreldrunum og koyrir tey til fosturforeldur ella á barnaheim. Tí eru tey kanska bangin fyri at ringja ella skriva til barnaverndartænastuna. Tú skalt vita, at  bert tá eingin onnur hjálp er nøktandi, verða børn sett heiman.

Tað er umráðandi at vita, at barnaverndartænastan allarhelst vil hjálpa familjum heima.

Hetta kann verða gjørt upp á fleiri mátar. Tey kunnu til dømis geva foreldrum ráð og vegleiðing ella hjálpa við stuðuli til frítíðarvirksemi, umlættingarforeldrum ella líknandi.

Nær verða børn tikin frá foreldrunum?

Um støðan heima hjá tær er sera álvarslig, kann barnaverndartænastan yvirtaka umsorganina av tær. Vanliga er tað tað allar seinasta, sum verður gjørt. Barnaverndartænastan velur í allarflestu førum aðrar loysnir.

Viðhvørt skulu børn flytast skjótt

Um so er, at tað henda sera álvarslig ting heima hjá tær, til dømis harðskapur ella kynsligur ágangur, skal barnaverndartænastan flyta teg skjótt úr heiminum.

Barnaverndartænastan kann flyta teg til eitt annað heim ella á ein stovn. Tey eiga altíð at royna at finna onkran, sum kennir teg, sum tú kanst búgva hjá eina tíð.

Hevur tú brúk fyri hjálp beinanvegin, kanst tú ringja til 112.

 

"

Fráboðanarskylda

Lógin um barnavernd sigur greitt, at vit hava øll skyldu til at boða myndugleikunum frá, um vit vita um eitt barn, sum livir undir viðurskiftum, ið kunnu skaða tess sálarligu ella likamligu heilsu ella menning. Sambært lógini hava øll fráboðanarskyldu, men skilt verður tó millum vanliga borgaran og fakfólk, sum í starvi sínum hava við børn at gera. Hesin seinni bólkurin hevur herda fráboðanarskyldu, sum merkir, at ein varhugi um illgrunasom viðurskifti er nóg mikið til, at boðast skal frá.

Les um fráboðanarskyldu í lóg um barnavernd.

Fráboðanarskylda hjá fakfólki
Fráboðanarskylda hjá hvørjum einstøkum
At seta barn heiman

Vakttelefonir

Øll kunnu venda sær til barnaverndartænasturnar – bæði navngivið og ónavngivið. Uttanfyri vanliga arbeiðstíð kanst tú ringja til vakttelefonirnar, um tað snýr seg um okkurt, sum ikki kann bíða til skrivstovan letur upp. Ivast tú, hvørja barnaverndartænastu, tú skalt venda tær til, kanst tú venda tær til onkra. So siga tey tær, hvør er tann rætta.

Barnaverndartænastan fyri Norðoyggjar

Avgreiðslutíð
mánadag - fríggjadag frá kl. 10.00 til kl. 15.00

Telefon: 41 00 00, lok. 2

Vakttelefon eftir arbeiðstíð: 21 91 81

Teldupostur: barnavernd@klaksvik.fo

Leiðari er Tonja Sonhardsdóttir

Barnaverndartænastan fyri Eysturkommunu og Fuglafjarðar Kommunu

Avgreiðslutíð
‍mánadag - fríggjadag frá kl. 9.00 til kl. 15.00

Telefon: 23 80 55

Vakttelefon eftir arbeiðstíð: 23 80 59

Teldupostur: barnavernd@fuglafjordur.fo

‍Leiðari er Ingi Hansen

Barnaverndartænastan við Skálafjørðin

Avgreiðslutíð
Mánadag - fríggjadag frá kl. 9.00 til kl. 15.00.

Telefon: 417090

Vakttelefon eftir arbeiðstíð: 237090

Teldupostur: barnavernd@runavik.fo

‍Leiðari er Jenny Petersen

Barnaverndartænastan í VEKS-samstarvinum millum Vestmanna-, Eiðis-, Kvívíkar- og Sunda kommunur

Avgreiðslutíð
‍mánadag, týsdag, hósdag og fríggjadag frá kl. 9.00 til kl. 16.00
Mikudag frá kl. 10.00 til kl. 16.00

Telefon: 667271

Vakttelefon eftir arbeiðstíð: 297200

Teldupostur: bvt@sunda.fo

‍Leiðari er Beinta Johannesen Mørkøre

Barnaverndartænastan fyri Tórshavnar kommunu

Avgreiðslutíð
Mánadag - fríggjadag frá kl. 9.00 til kl. 15.00

Telefon: 30 20 60

Vakttelefon eftir arbeiðstíð: 21 60 12

Teldupostur: barnavernd@torshavn.fo

‍Leiðari er Kristina Háberg.

Barnaverndartænastan í Vágum

Avgreiðslutíð
mánadag - fríggjadag, frá kl. 10.00 til kl. 15.00.

Telefon: 344430

Bráðfeingis boð uttan fyri hesar tíðir verður umstillað til vakttelefonina.

Teldupostur: bvt@vaga.fo

‍Leiðari er Jenny Petersen.

Barnaverndartænastan fyri Sandoyar og Skúvoyar kommunur

Avgreiðslutíð
mánadag - fríggjadag frá kl 8.00 til 12.00

Tel. 361024/288024

Vakttelefonin eftir arbeiðstíð 281024

Teldupostur: bvtsandoy@bvtsandoy.fo

‍Leiðari er Kristina á Reynatúgvu

Barnaverndartænastan fyri Suðuroy

Avgreiðslutíð
Mánadag – fríggjadag kl. 9.00 til kl. 14.00

Telefon: 611090

Vakttelefon eftir arbeiðstíð 283033

Teldupostur: barnavernd@tvoroyri.fo

‍Leiðari er Jónleyg Eyðunsdóttir

Nýtt frá Barnaverndarstovuni

Gleðilig jól!

Barnaverndarstovan
20. des 2024

Vitja okkum á Jobmatch 30. desember

Barnaverndarstovan
20. des 2024

Familjuviðgerar til Familjutænastuna

Barnaverndarstovan
17. des 2024

Familjutænastan leitar eftir hølum

Barnaverndarstovan
05. des 2024
Fleiri tíðindi

Komandi tiltøk

Barnaverndarstovan
04. desember 2024
08:30
At halda seg langtíðarhaldføra/n í relatiónsarbeiði - fyrilestur við Rikke Yde Tordrup (FULLTEKNAÐ)
Fyrilestur um hvussu tað kann slíta allar lívsins leiklutir at vera í sambandi við børn og ung, sum hava avbjóðandi viðføri við sær, og amboð til at halda seg langtíðarhaldføra/n. Tú fært: Einfalda og nýtiliga fatan av, hvussu tíni ymisku sambond kunnu verða slitin, og hvat tú kanst gera fyri at fyribyrgja tí. Einfalda og nýtiliga fatan av tilknýtismynstrum hjá børnum og ungum, og hvussu tað kann upplivast, tá hesi koma til sjóndar í sambandinum við teg, og hvat tú skal gera fyri at umvæla óskynsom tilknýtismynstur. Eina fatan av prísinum av samkenslu og amboð til at gera prísin minni. Við humori og hjartahita tekur Rikke egnar royndir frá kliniskum yrki og supervisiónsrúmi við. Fyrilesturin skiftir millum upplegg og dømi frá gerandisdegnum hjá relatiónsstarvsfólkinum umframt prát við starvsfelagar um, hvussu boðskapir í upplegginum og amboðini kunnu brúkast í gerandisdegnum.   Fyrilestrarhaldari Rikke Yde Tordrup er cand.psych. frá Århus Universiteti (2001), autoriseraður sálarfrøðingur og serfrøðingur í kliniskari barnasálarfrøði. Umframt sína praksis hevur Rikke superviserað sálarfrøðingar, ergoterapeutar, heilsusystrar, lærarar, viðgerar innan misnýtslu, løgfrøðingar, barnaserkøn og sosialráðgevar. Eisini ráðgevur hon ættleiðarum, hevur fyrilestrar um tilknýti, menningarsálarfrøði og foreldrasamstarv og er kend sum serfrøðingur í sendingini í DR2, “Hvør ansar børnum okkara?” Rikke hevði eisini upplegg til kveikingardagin hjá SSP fyrr í ár. Sí eisini www.rikketordrup.dk   Málbólkur Øll sum arbeiða við børnum og ungum, sum hava verið fyri vansorgan. T.d. sosialráðgevar, starvsfólki á skúlum, dagstovnum, serskúlum, samdøgurstovnum, kreppumiðstøðum, familjuviðgerar, stuðlar, mentorar o.o. Harumframt fosturforeldur.   Tíð og stað Dagurin verður hildin mikudagin 4. desember í Smæruni, J. H. Schrøtersgøtu 7 í Havn. Vit byrja við morgunmati klokkan 8.30. Fyrilesturin er kl. 9-15.    Tilmelding og prísur Prísur: 1200 kr. Íroknaður er morgunmatur, kaffi fyrrapart, miðmáli á middegi og kaffi seinnapart. Melda til í seinasta lagi 14. september 2024 á bvs@ bvs.fo. Upplýs full nøvn á luttakarum og t-post hagar rokning skal sendast. Tilmelding er bindandi og verður ikki afturgoldin, men til ber at lata øðrum luttakara plássið, um einum berst frá at koma. Legg eisini til merkis, at skeiðið er treytað av, at nóg nógv melda seg til.   Mynd Tekningin er úr bókini, “Udviklende øjeblikke i plejefamilien” frá Akademisk Forlag 2022. Teknað hevur Lonnie Hamborg.
Barnaverndarstovan
03. desember 2024
08:30
Avleiðingar av vansorgan og mennandi løtur í sosialpedagogiskum arbeiði - fyrilestur við Rikke Yde Tordrup (FULLTEKNAÐ)
Fyrilestur um avleiðingar av vansorgan við denti á menningarsálarfrøði og tilknýti. Harumframt fært tú: Einfalda og nýtiliga fatan av, hvussu vansorgan ávirkar børn við innara neiligum arbeiðsfrymlum við lágum sjálvsvirði og misáliti á verðina. Einfalda og nútímans framløgu av menningarsálarfrøðiliga ástøðinum hjá Daniel N. Stern og av tilknýtisástøði. Amboð til at arbeiða við relatiónum, sum fer at styrkja trygga tilknýtið hjá barninum og virkar sum verjandi faktorur hjá barninum. Amboð til at vera í sambandinum við børn, sum vísa eyðkenni upp á ótrygt  tilknýtismynstur. Við humori og hjartahita tekur Rikke sínar egnu royndir við, bæði sum sálarfrøðingur og supervisari og sum sálarfrøðingur á samdøgurstovni. Fyrilesturin skiftir millum upplegg við dømum frá samdøgursviðgerð og prát millum starvsfelagar um, hvussu boðskapirnir og amboðini kunnu brúkast í teirra gerandisdegi. Eisini verður víst, hvussu børn kunnu verða styrkt í síni frásøgn um seg sjálv við vitnisburði (børnebevidning) sum amboð í sambandi við interventión, barnafrágreiðing og kanning.   Fyrilestrarhaldari Rikke Yde Tordrup er cand.psych. frá Århus Universiteti (2001), autoriseraður sálarfrøðingur og serfrøðingur í kliniskari barnasálarfrøði. Umframt sína praksis hevur Rikke superviserað sálarfrøðingar, ergoterapeutar, heilsusystrar, lærarar, viðgerar innan misnýtslu, løgfrøðingar, barnaserkøn og sosialráðgevar. Eisini ráðgevur hon ættleiðarum, hevur fyrilestrar um tilknýti, menningarsálarfrøði og foreldrasamstarv og er kend sum serfrøðingur í sendingini í DR2, “Hvør ansar børnum okkara?” Rikke hevði eisini upplegg til kveikingardagin hjá SSP fyrr í ár. Sí eisini www.rikketordrup.dk   Málbólkur Øll, sum arbeiða við børnum og ungum, sum hava verið fyri vansorgan. T.d. sosialráðgevar, starvsfólk á skúlum, serskúlum, dgastovnu, samdøgurstovnum, kreppumiðstrøðum, famijuviðgerar, stuðlar, mentorar o.o. Harumframt fostuforeldur.    Tíð og stað Dagurin verður hildin týsdagin 3. desember í Smæruni, J. H. Schrøtersgøtu 7 í Havn. Vit byrja við morgunmati klokkan 8.30. Fyrilesturin er kl. 9-15.    Tilmelding og prísur Prísur: 1200 kr. Íroknaður er morgunmatur, kaffi fyrrapart, miðmáli á middegi og kaffi seinnapart. Melda til í seinasta lagi 14. september 2024 á bvs@ bvs.fo. Upplýs full nøvn á luttakarum og t-post hagar rokning skal sendast. Tilmelding er bindandi og verður ikki afturgoldin, men til ber at lata øðrum luttakara plássið, um einum berst frá at koma. Legg eisini til merkis, at skeiðið er treytað av, at nóg nógv melda seg til.   Mynd Tekningin er forsíðumynd til bókina, “Udviklende øjeblikke” frá Akademisk Forlag 2019. Teknað hevur Lonnie Hamborg.
Barnaverndarstovan
02. desember 2024
08:30
Bersøgin foreldur virka í kærleika - fyrilestur við Rikke Yde Tordrup
Summi foreldur eru so nógv uppií, at tey arbeiða ímóti og kritisera lærarar, námsfrøðingar og onnur starvsfólk. Samstarvið gongur striltið – og tað gongur út yvir børnini. Hvørji eru tey bersøgnu foreldrini? Hvat fær tey at fara so fram? Hvørjar avleiðingar hevur teirra atferð fyri børnini og teirra menning? Og hvussu kunnu lærarar, námsfrøðingar og onnur starvsfólk handfara foreldur við stórum krøvum og sterkum kenslum konstruktivt og professionelt – eisini tá ósemja er í luftini? Ein fyrilestur, sum snýr seg um, hvussu námsfrøðingar, lærarar og onnur stravsfólk, bæði á almenna- og serøkinum, kunnu fáa sum mest burtúrúr samstarvinum við foreldur, sum gera vart við seg langt inn í dagstovnsins-, skúlans og frítíðarskúlans gerandisdag.   Fyrilestrarhaldari Rikke Yde Tordrup er cand.psych. frá Århus Universiteti (2001), autoriseraður sálarfrøðingur og serfrøðingur í kliniskari barnasálarfrøði. Umframt sína praksis hevur Rikke superviserað sálarfrøðingar, ergoterapeutar, heilsusystrar, lærarar, viðgerar innan misnýtslu, løgfrøðingar, barnaserkøn og sosialráðgevar. Eisini ráðgevur hon ættleiðarum, hevur fyrilestrar um tilknýti, menningarsálarfrøði og foreldrasamstarv og er kend sum serfrøðingur í sendingini í DR2, “Hvør ansar børnum okkara?” Rikke hevði eisini upplegg til kveikingardagin hjá SSP fyrr í ár. Sí eisini www.rikketordrup.dk   Málbólkur Fakfólk í skúla-, dagstovna- og serøkinum og onnur, sum í sínum yrki hava samstarv við foreldur.   Tíð og stað Dagurin verður hildin mánadagin 2. desember Løkshøll í Runavík. Vit byrja við morgunmati klokkan 8.30. Fyrilesturin er kl. 9-15.     Tilmelding og prísur Prísur: 1200 kr. Íroknaður er morgunmatur, kaffi fyrrapart, miðmáli á middegi og kaffi seinnapart. Melda til í seinasta lagi 14. september 2024 á bvs@ bvs.fo. Upplýs full nøvn á luttakarum og t-post hagar rokning skal sendast. Tilmelding er bindandi og verður ikki afturgoldin, men til ber at lata øðrum luttakara plássið, um einum berst frá at koma. Legg eisini til merkis, at skeiðið er treytað av, at nóg nógv melda seg til.   Mynd Tekningin er forsíðumynd til bókina, “Markante forældre” frá Dansk Psykologisk Forlag 2017. Teknað hevur Lars Andersen.
Barnaverndarstovan
15. mai 2024
19:00
Kafékvøld fyri fosturforeldur: Filmurin SYSTEMBRYDER
Mikukvøldið 15. mai klokkan 18 verður kafékvøld fyri fosturforeldur, har vit fara at vísa filmin, Systembryder. Filmurin snýr seg um 9 ára gomlu Benni, sum er kastibløka millum ymiskar stovnar, sum ikki megna at handfara hennara illsinnisherðindi og hørðu útsjónd. Tað einasta, sum Benni ynskir sær, er at búgva hjá mammu síni aftur, men mamman er ikki før fyri at handfara óútrokniligu atferðina hjá dóttrini. Skipanin er um at geva skarvin yvir, men tá Micha verður sett sum hjálpari á stovninum, fer Benni fyri fyrstu ferð at lata seg upp. Les meira um filmin og síggj forfilm. Filmurin varð vístur á Berlin Filmsfestivali í 2019, har hann fekk Silvurbjørnina. Á skránni annars til kafékvøldið er sum altíð kaffi, køka og hugni. Filmurin er ókeypis og verður í R. C. Effersøesgøtu 30, kjallaranum, Tórshavn. Melda til við at senda t-post til bvs@bvs.fo í seinasta lagi týsdagin 14. mai klokkan 15!
Fleiri tiltøk

Samband

Barnaverndarstova Føroya

R. C. Effersøesgøta 26
100 Tórshavn

Telefon: 30 24 80
Teldupostur: bvs@bvs.fo
Starvsfólk
Ein loysn frá Sendistovuni
Listen